آخر تحديث بتاريخ: 3 سنوات

أفضل أنواع الشوربة لتدفئتك في الشتاء

أنواع الشوربة كثيرة جداً و تعد من أفضل الوجبات الخفيفة التي من الممكن تحضيرها بسهولة و تناولها و خصوصاً في فصل الشتاء حيث بالإضافة إلى فوائدها الكثيرة تمنحك الدفء في أيام الشتاء و كذلك تزودك بالطاقة التي يحتاجها جسمك و عدا عن ذلك فإنها غذاء لذيذ و صحي، فما هي أفضل أنواع الشوربة التي يمكن أن تحضرها في الشتاء؟ لنتعرف عليها في المقال التالي؟

أنواع الشوربة الشتوية

شوربة الطماطم و الشوفان

مقادير شوربة الطماطم بالشوفان

  • 4 ثمرات طماطم مقطعة مكعبات
  • 1/4 كوب كرفس مقطع مكعبات
  • 1 تمرة بصل كبيرة مقطعة مكعبات
  • 2 فص توم
  • 1/4 كوب عصير طماطم مركز
  • 1 لتر مرقة (فراخ أو لحم أو خضار)
  • 1/2 كوب شوفان سريع الطهي
  • 1 كوب ماء بارد لتذويب الشوفان
  • ملح وفلفل
  • 1 عود قرفة خشب
  • 2 فص حبهان
  • 2 فص قرنفل
  • زبدة أو زيت زيتون
  • للتقديم عصير ليمون وبصل أخضر
أنواع الشوربة
أنواع الشوربة

طريقة عمل شوربة الطماطم بالشوفان

  • في حلة عميقة، هتشوّحي كل الخضراوات في معلقتين من زيت الزيتون أو الزبدة.
  • ضيفي للخضار كل البهارات السليمة: القرفة والقرنفل والحبهان وشوّحيهم لحد ما تطلع ريحتهم.
  • ضيفي عصير الطماطم المركز والمرقة وغطي مزيج الشوربة وسيبيها على نار هادية لمدة نص ساعة.
  • اطحني الشوربة بالمضرب اليدوي أو الخلاط لحد ما تبقى ناعمة جدًا ورجعيها على النار تاني.
  • دوّبي الشوفان في المياه أو اللبن البارد قبل ما تضيفيه للشوربة عشان لو أضفتيه مباشرة هيعمل تكتلات ومش هيدوب كويس.
  • ضيفي الملح والفلفل للشوربة وسيبيها على نار هادية بعد إضافة الشوفان لمدة 10 دقايق.
  • قدمي الشوربة مع عصير الليمون ورشة بصل أخضر.

شوربة الفطر بالكريما

مقادير شوربة المشروم الكريمية

  • 200 جم مشروم (يطحن داخل الشوربة)
  • 100 جم مشروم مقطع شرايح
  • زبدة وزيت نباتي
  • 1/2 كوب كريمة
  • 1 لتر مرقة (خضار أو فراخ)
  • أعواد زعتر طازة
  • بصلة صغيرة مفرومة
  • 2 فص توم مفروم
  • 1/4 معلقة قرفة ناعمة
  • ملح وفلفل
  • بقدونس للتقديم
أنواع الشوربة
أنواع الشوربة

طريقة عمل شوربة المشروم الكريمية

  • في معلقة من الزبدة والزيت النباتي على نار متوسطة، شوّحي البصل المفروم مع 200 جم مشروم مقطع أرباع لحد ما الخضروات تطرى وتظهر ريحتها.
  • ضيفي التوم والملح والفلفل والقرفة وأعواد الزعتر وقلبيهم مع باقي المكونات وبعدين ضيفي المرقة.
  • غطي الشوربة وسيبيها حوالي نص ساعة على نار متوسطة.
  • ارفعي أعواد الزعتر من الشوربة، وباستخدام الخلاط أو المضرب اليدوي، اضربي الشوربة لحد ما تبقى ناعمة جدًا.
  • في معلقة صغيرة من الزبدة، شوحي 100 جم من المشروم المقطع شرايح على نار عالية لحد ما توصلي للون ذهبي جميل.
  • رجعي الشوربة تاني على النار وضيفي لها المشروم المتشوح وظبطي الملح والفلفل.
  • لو قوام الشوربة سميك، تقدري تخفيه بالمرقة، ولو خفيف تقدري تدوبي معلقة دقيق مع شوية من المرقة أو المياه الباردة وتضيفيها للشوربة.
  • ضيفي كريمة الطهي وقلبيها مع الشوربة.
  • قدمي الشوربة مع رشة بقدونس وشوية من الكريمة على الوش واستمتعي

شوربة الطماطم المشوية المكسيكية مع الذرة والفاصوليا

المقادير

  • 1 لتر مرقة دجاج
  • 1/2 كوب ذرة حلوة معلبة مغسولة و مصفاه
  • 1/2 كوب فاصوليا سودا أو حمرا معلبة مغسولة و مصفاه
  • 1 بصله حمرا صغيرة مفرومة ناعم
  • 1 فص توم مفروم
  • 1 فلفل هالوبينو حار مفروم ناعم(إختياري)
  • 5 ثمرات طماطم مقطعة أنصاص
  • 1 معلقة صغيرة بابريكا
  • 1 معلقة صغيرة أوريجانو
  • 1 معلقة صغيرة كمون
  • عصير ليمون
  • ملح و فلفل
  • للتقديم
  • كزبره خضرا-شرايح عيش تورتيلا مقلية-كريمة حامضة
أنواع الشوربة
أنواع الشوربة

الطريقة

  • لشوي الطماطم رصي الطماطم على صينية للفرن مع رشة وفيرة من زيت الزيتون ،الملح ،والفلفل و إشويها في فرن متسخن على حرارة 220 لمدة 45 دقيقة لحد متستوي تماما.
  • بعد متبرد الطماطم إتخلصي من قشرتها وإهرسيها.
  • لعمل الشوربة شوحي البصل والتوم في زيت زيتون وضيفي الفلفل الهالبينو والبهارات لحد متطلع ريحتها.
  • ضيفي الطماطم المشوية المهروسة وقلبيها كويس مع المزيج وضيفي مرقة الدجاج وسيبي الشوربة تغلي لمدة نص ساعة.
  • ضيفي الذرة والفاصوليا المعلبه وعصرة الليمون وقدمي الشوربة مع شرايح التورتيلا المقلية، الكزبرة الخضرا، والكريمة الحامضة.

شوربة البروكلي بالكريمة

مقادير شوربة البروكلي:

  • 3 أكواب من زهرات البروكلي
  • 1 لتر مرقة دجاج أو خضار
  • 1 بصلة متوسطة مقطعة مكعبات
  • 1 معلقة صغيرة جنزبيل مفروم
  • 1/2 كوب كريمة طهي
  • عصير ليمون
  • ملح وفلفل
  • 1/4 معلقة جوزة الطيب
  • زبدة
أنواع الشوربة
أنواع الشوربة

طريقة عمل شوربة البروكلي:

  • قي قليل من الزبدة شوحي البصل لحد ميبقى شفاف وضيفي الجنزبيل المفروم.
  • ضيفي زهرات البروكلي وشوحيها مع البصل والجنزبيل وضيفي الملح والفلفل ومرقة الدجاج.
  • بعد متغلي الشوربة هدي النار وسيبيها تغلي لمدة نص ساعه.
  • إضربي الشوربة بالمضرب اليدوي أو الخلاط لحد متبقى ناعمة جدا.
  • رجعي الشوربة على النار وضيفي الكريمة وجوزة الطيب مع عصرة ليمون وقدميها مع مكعبات التوست المحمص.

شوربة النودلز مع الخضار والفراخ

مقادير شوربة الخضار بالنودلز:

  • 1/2 كوب شرايح صدور فراخ مسلوقة
  • 1/2 كوب نودلز البيض المسلوقة(تسلق زي المكرونة لكن تحتاج وقت أقل للتسوية)
  • 1/2 كوب بصل أخضر مقطع شرايح
  • 1/2 كوب كوسة مقطعة شرايح رفيعة
  • 1/2 كوب جزر مقطع شرايح رفيعة
  • 1/4 كوب أعواد الكرفس مقطعة شرايح
  • شرايح رفيعة من الجنزبيل
  • 1 فص توم مهروس
  • 1 معلقة كبيرة صويا صوص فاتح
  • 1 معلقة كبيرة عصير ليمون
  • ملح وفلفل
  • 1 لتر مرقة دجاج
  • كزبرة خضرا
https://www.saltandlavender.com/wp-content/uploads/2020/03/creamy-chicken-noodle-soup-4.jpg
أنواع الشوربة

طريقة عمل شوربة الخضار بالنودلز:

  • في حلة على النار إرفعي مرقة الفراخ و ضيفي عليها الصويا صوص ،شرايح الجنزبيل ،التوم المهروس و سيبيها لحد متبدأ تغلي.
  • ضيفي شرايح الفراخ المسلوقة والخضار حسب الأنواع إلي بتحتاج تسوية وقت أطول يعني إبدأي بالجزر والكرفس و بعدين الكوسة والبصل الأخضر إحنا محتاجين الخضار يطرى شوية لكن يفضل محافظ على قرمشتة.
  • ضيفي النودلز المسلوقة وقلبي كل المكونات و زودي الملح والفلفل و عصير الليمون
  • قدميها مع أوراق الكزبرة و مزيد من الليمون.

شوربة العدس عالطريقة الهندية

المقادير:

  • 1 كوب عدس أصفر مغسول و متصفي
  • 5 أكواب من مرقة الخضار
  • 2 تمرة طماطم مقشرة و مقطعة مكعبات
  • 1 بصلة متوسطة مفرومة ناعم
  • 2 معلقة صغيرة توم مفروم
  • 2 معلقة صغيرة جنزبيل مفروم
  • 1 قرن فلفل حراق مفروم ناعم
  • 1 معلقة صغيرة كمون
  • 1 معلقة صغيرة كزبرة ناشفة
  • 1معلقة صغيرة كركم
  • 1 معلقة صغيرة شطة بودرة
  • 1 معلقة صغيرة بهارات الجرام ماسالا
  • 1/4 كوب كزبرة خضراء مفرومة ناعم
  • معلقة كبيرة سمنه
  • ملح وفلفل
  • للتقديم
  • بصل مقلي-حبوب الكمون-كزبره خضرا-عصير ليمون
أنواع الشوربة

طريقة عمل شوربة العدس الهندية:

  • في حلة على النار ضيفي معلقة السمنة وشوحي البصل المفروم مع التوم،الجنزبيل المفروم ،الفلفل الحار ،والبهارات كلها لحد متطلع ريحة البهارات ويبقى البصل شفاف.
  • ضيفي العدس الأصفر و حمصية مع البصل والبهارات و بعدين ضيفي الطماطم المقشرة ومرقة الخضار
  • سيبي ىالشوربة توصل للغليان و هدي النار و غطيها و سيبيها لمدة نص ساعة عشان تمتزج النكهات والعدس يستوي تماما ويذوب في الشوربة.
  • ممكن تهرسي الشوربة تماما لو حيتي لكن يفضل تقديمها بدون هرسها.
  • ضيفي معلقة من الكزبرة الخضرا وعصرة ليمون وقدميها مع البصل المقلي وحبوب الكمون المتحمصة في شوية سمنه والكزبرا الخضرا.

شوربة الكوسة الكريمية

المقادير:

  • 5 ثمرات كوسة مقطعة مكعبات
  • 1 بصله متوسطة مفرومة
  • 1 بطاطس مقطعة مكعبات
  • 1 معلقة صغيرة نعناع مجفف
  • زبدة
  • 1/2 كوب كريمة حامضة
  • 1 لتر مرقة فراخ
  • ملح وفلفل
أنواع الشوربة

الطريقة:

  • في معلقتين كبار من الزبدة شوحي الخضراوات مع بعض لحد ميطرى و ضيفي المرقة.
  • سيبي المزيج يغلي على نار هادية لحد متستوي كل الخضراوات تماما.
  • ضيفي الملح والفلفل والنعناع المجفف واضربي الشوربة في الخلاط لحد متبقى ناعمة جدا.
  • ضيفي الكريمة الحامضة و قدمي الشوربة.